Registrashon di chekeo di salú pa bo bakunashon di COVID-19 na Boneiru.

Boneiru a kuminsá ku bakunashon di su habitantenan kontra COVID-19. Por bakuná* tur habitante di Boneiru di 18 aña i mas grandi. Pa esaki nos ta sigui e siguiente skema. Esaki por kambia si mas òf ménos bakuna bira disponibel, i si reglanan kambia. Tene anunsionan den medionan di komunikashon lokal bon na bista: ta posibel ku ta bai mas rápido ku nos ta pensa awor i ku bo ta na bùrt mas tempran. For di 22 di febrüari 2021: tur trahadó den kuido. For di promé di mart 2021: tur habitante di 60 aña i ariba. For di prinsipio di mei 2021: tur sobrá persona entre 18 i 60 aña.

Promé ku nos kuminsá ku bakunashon di e grupo na kua bo ta pertenesé, bo mester registrá yenando e formulario aki bou.

Na fin di e formulario, bo ta primi e kònòpi di ‘manda’:

  • den mayoria kaso, bo browser ta generá un pdf ku bo mester warda.
  • bo ta risibí un imeil ku un kopia di e datonan ku bo a yena. Bo tin ku warda e imeil akí.
  • si bo no a yena un adrès di imeil, bo no ta risibí un imeil.

Si bo a yena un adrès di imeil, bo ta risibí dentro di dos dia di trabou notifikashon di nos tokante ki dia bo tin bo sita pa e bakunashon. Si bo no a yena un adrès di imeil, dentro di dos dia di trabou nos lo buska kontakto ku bo riba e number di telefòn ku bo a yena i bisa bo ki dia bo tin bo sita pa e bakunashon. Si despues di tres dia di trabou bo no a tende nada di nos ainda, nos ta supliká bo pa tuma kontakto ku e callcenter di e departamentu di Salubridat Públiko via 0800 – 0800 di djaluna te ku djabièrnè entre 8:00 i 17:00.

Bai bo sita di bakunashon ku e chekeo di salú ku bo a yena. Riba e dia di e sita pa bakunashon bo tin keho relashoná ku COVID-19, keda kas e ora ei i bèl 0800 – 0800 pa konsulta.

*si bo no ta inskribí, òf no a risibí un number di sédula ainda, ku tur probabilidat bo ta bin na remarke tòg pa bakunashon. Yena e ora ei bo number di identifikashon di bo pasaporte.

Hinka e number di sédula akí sin punto entre e sifranan.
Kontestá e promé sinku preguntanan akí tokante bo situashon aktual. Riba e dia di e sita pa bakunashon, bo tin ku bolbe kontestá e preguntanan akí. Si e ora ei bo kontestá un di e preguntanan ku 'si', bo no por bai bo sita. E ora ei bo tin ku tuma kontakto ku 0800 - 0800.
1. A tèst bo e último 4 simannan positivo pa corona?
2. Bo tin kentura awor di 38 grado Celsius òf mas?
3. Bo tin awor keho relashoná ku corona manera fèrkout, tosamentu, benout, kayente di kurpa òf kentura, pèrdida di holó òf smak? Keda kas e ora ei i laga tèst bo pa corona.
4. Bo ta den karentena na kas awor pa motibu di corona?
Motibunan:
  • Bo tabatin kontakto ku un hende ku corona
  • Bo a haña un notifikashon via e app CoronaMelder
  • Bo a hasi un tèst di corona i ta warda resultado
  • Bo tabata den un área di biahe oraño òf kòrá
5. Bo tin dentro di 7 dia promé òf despues di e sita pa bakunashon di corona un sita pa un otro bakunashon?
6. Ta bai operá bo dentro di 4 siman despues di e promé bakunashon bou di narkósis?
Si e kontesta ta 'si' pa pregunta 6, e ora ei bo tin ku kambia bo sita te despues di e operashon. Pa kambia e sita, bèl e callcenter di Corona, number 0800-0800.
7. Bo a yega di kai flou despues di un bakunashon?
8. Bo a yega di tin un reakshon alérgiko serio?
A trata bo pa esei?
Bo tin un EpiPen òf pasaporte di remedi huntu ku bo?
9. Bo tin òf a yega di tin kanser di pechu?
Lenks
Rèks
10. Bo ta usa remedi antikoagulante/pa hasi sanger delegá?
Si bo no sa kontesta pa pregunta 10, krusa 'si' e ora ei.
2 siman promé ku e bakunashon, tuma kontakto ku bo dòkter di kas si por bakuná bo i si tin ku tuma medida ainda. Solamente ta bakuná bo despues di kontakto ku bo dòkter di kas.
11. Bo tin un problema di koagulashon?
Hemofilia
Malesa di Von Willebrand
Un falta di tròmbosit (tròmbopatia/tròmbopenia)
Otro
12. Bo ta konosí ku epilepsia i den pasado bo a yega di haña un ataka di epilepsia ku kentura òf despues di un bakunashon?
Si e kontesta ta 'si' riba un di e preguntanan 11 òf 12, ta importante ku bo ta konsultá ku bo dòkter di kas. Hasi esaki promé ku bo bai e sita.
13. Ku esaki mi ta duna pèrmit ku por kompartí mi datonan ku dòkter di kas.
Mi ta deklará ku esaki di a yena tur dato segun bèrdat i ku mi no a keda sin bisa dato importante.