Gosa di un estadia seif na Boneiru

Bon Biní na Boneiru!

Te ainda Boneiru tabatin suèrtè ku nos no tabatin un brote grandi di COVID-19 ku a dura largu. Esaki ta pasobra nos a tuma medida. I pasobra nos a hasi difísil pa hende for di otro pais por bini Boneiru. Pa nos esaki tabata hopi importante. Boneiru ta un komunidat chikitu i kuido ta limitá. Awor ku fronteranan a habri atrobe, nos ta pidi bo kariñosamente i enfátikamente pa yuda nos tene e vírùs di corona bou di kontròl na Boneiru. Danki pa bo koperashon. Nos ta deseá bo un estadia plasentero i seif na nos dushi isla.

Promé ku bo bai biaha

Pa mas tardá 48 ora prom ku salida bo mester laga hasi un tèst di PCR, e resultado mester ta negativo. Si bo no por mustra un resultado negativo di tèst, ora bo yega nos isla bo tin ku bai 10 dia den karentena. Tambe 48 te 72 ora promé ku salida bo tin ku yena e deklarashon di salú di departamento di Salubridat Públiko na www.bonairepublichealth.org.

Tene kuenta ku si bo tèst negativo promé ku salida, esei no ta nifiká ku bo no por pega ku e vírùs di corona na nos isla.

Bo tin keho ku por indiká ku bo tin COVID-19, manera:

  • Tosamentu
  • Fèrkout di nanishi
  • Kentura (38˚ òf mas)
  • Sinti benout
  • Bo no por hole i/òf sinti smak mas
  • Doló di garganta

Keda paden i yama 0800 0800, tambe si e kehonan ta hopi leve.

Tene bo mes semper na e reglanan básiko:


  • Mantené minimalmente 1,5 meter di distansia

  • Evitá kaminda tin hopi hende

  • Nister i tosa den bo èlebog

  • Laba bo mannan regularmente

  • No mishi ku bo wowo, nanishi òf boka

Registrashon i chekeo di salú

Tene kuenta ku na sierto lugá ta pidi bo pa registrá i hasi un chekeo di salú.

Medidanan lokal

Wak riba www.bonairecrisis.com pa último informashon tokante e medidanan di COVID-19 na Boneiru. Protehá bo mes i otro hende!

Tene kuenta ku e echo ku ta bo mes tin ku paga e gastunan èkstra si durante bo estadia bo tin ku bai den karentena, si tin un lockdown òf si bo keda infektá ku e vírùs di corona.

Formulario di Deklarashon di Salú